മനുഷ്യൻ ആരാണ്‌, എന്തിനാണ്‌ ഈ ഭൂമിയിലേക്ക് വന്നത്‌, ജീവിതത്തിന്റെ ലക്ഷ്യം എന്താണ്‌, മരണത്തിനപ്പുറം എന്താണ്‌ ഉള്ളത്‌ - മനുഷ്യൻ നിർബന്ധമായും അറിയേണ്ട ഈ സത്യങ്ങൾ വ്യക്തമാക്കുന്ന സത്യാസത്യ വിവേചന ഗ്രന്ഥം അന്ത്യദൂതൻ മുഹമ്മദ് നബി ﷺ മുഖേന അല്ലാഹു ദൃശ്യവും അദൃശ്യവുമായ സകല പ്രപഞ്ചത്തെയും അതിലുള്ള സർവസൃഷ്ടികളെയും സൃഷ്ടിച്ച്‌, അവയ്ക്ക് നിലനിൽപ്പും പരിപാലനവും നൽകുന്ന ഏകനും സർവശക്തനും എല്ലാം അറിയുന്നവനുമാണ് യഥാർഥ ദൈവം. ആ ദൈവത്തിന്റെ അറബി നാമമാണ് 'അല്ലാഹു'. നമുക്ക് നൽകിയിട്ടുണ്ട്.

അത്‌ വെറുമൊരു വായനയ്ക്കല്ല; വായിച്ച്‌ ആലോചിക്കാനും, മനസ്സിലാക്കാനും, ജീവിതത്തിൽ പിന്തുടരാനുമുള്ളതാണ്‌.

മനുഷ്യരെ സൃഷ്ടിച്ച ദൈവം ദൃശ്യവും അദൃശ്യവുമായ സകല പ്രപഞ്ചത്തെയും അതിലുള്ള സർവസൃഷ്ടികളെയും സൃഷ്ടിച്ച്‌, അവയ്ക്ക് നിലനിൽപ്പും പരിപാലനവും നൽകുന്ന ഏകനും സർവശക്തനും എല്ലാം അറിയുന്നവനുമാണ് യഥാർഥ ദൈവം. ആ ദൈവത്തിന്റെ അറബി നാമമാണ് 'അല്ലാഹു'.അവരുടെ ജീവിതത്തിന് മാർഗദർശനമായി നൽകിയ ദൈവിക സന്ദേശമാണ് വിശുദ്ധ ഖുർആൻ.

അത്‌ മനുഷ്യനെ ഏറ്റവും ശരിയായ മാർഗത്തിലേക്ക്‌ നയിക്കുകയും, സന്തോഷവാർത്തയും മുന്നറിയിപ്പും നൽകുകയും ചെയ്യുന്നു.

വിശുദ്ധ ക്വുർആനിനെ കുറിച്ച്:

മനുഷ്യന്റെ ആരംഭം മുതൽ തന്നെ ദൈവം അവന് ആവശ്യമായ മാർഗനിർദേശങ്ങൾ നൽകിക്കൊണ്ടിരുന്നു.

ജനനത്തിനും മരണത്തിനുമിടയിലുള്ള ഈ ജീവിതത്തിൽ അവൻ എങ്ങനെ ജീവിക്കണം, എന്തെല്ലാം പാലിക്കണം, മരണാനന്തരം അവനെ കാത്തിരിക്കുന്ന ലോകം എന്താണ് — ഇതെല്ലാം വ്യക്തമാക്കുന്നതായിരുന്നു ആ ദൈവിക സന്ദേശങ്ങൾ.

ദൈവദൂതരായ മോശക്ക് ലഭിച്ച തോറയും, ദാവീദിന് ലഭിച്ച സബൂറും, യേശുവിന് ലഭിച്ച സുവിശേഷവും അതിന്റെ ഭാഗങ്ങളായിരുന്നു.

തുടർന്ന് മുൻവേദങ്ങളെ സത്യപ്പെടുത്തിക്കൊണ്ട്, തന്റെ അന്ത്യദൂതനായ മുഹമ്മദ് നബി ﷺ മുഖേന ദൈവം ലോകജനതയ്ക്ക് നൽകിയ അവസാന വേദഗ്രന്ഥമാണ് വിശുദ്ധ ഖുർആൻ.

അത് എല്ലാ മനുഷ്യർക്കുമുള്ള സ്രഷ്ടാവിന്റെ സന്ദേശമാണ്‌.