നാം ഈ കാണുന്ന ആകാശവും ഭൂമിയും, അതുള്‍കൊള്ളുന്ന അതിവിശാലമായ പ്രപഞ്ചത്തെയും, അതിനകത്തെ മനുഷ്യരടക്കമുള്ള ലക്ഷകണക്കിനു ജീവജാലങ്ങളേയും സൃഷ്ടിച്ചത് ആരാണ്?

മനുഷ്യ ശരീരത്തിരല ആന്തരികവും ഭാഹ്യവുമായി അനേകം ധര്‍മ്മങ്ങള്‍ നിര്‍വ്വഹിക്കുന്ന അതി സങ്കീര്‍ണ്ണമായ അവയവങ്ങള്‍ രൂപപ്പെടുത്തിയത് ആരാണ്?

മനുഷ്യരിൽ പലരും ഇന്ന് ആരാധിക്കപെടുന്ന സൃഷ്ടികളായ 'ദൈവങ്ങളാണോ' വിഗ്രഹങ്ങള്‍, ശവകുടീരങ്ങള്‍ (കബറുകള്‍), മനുഷ്യ ദൈവങ്ങള്‍, പ്രവാചകന്മാര്‍, പുണ്യാത്മാക്കള്‍ തുടങ്ങിയ ആരാധ്യർ അവയെ സൃഷ്ടിച്ച്‌ രൂപപെടുത്തിയത്‌?

അവർ അങ്ങിനെ പറഞ്ഞിട്ടുണ്ടോ?

അതിനു വല്ല രേഖയുമുണ്ടോ? നാമത് കണ്ടിട്ടുണ്ടോ?

ഇല്ലയെങ്കില്‍:
പിന്നെയാരാണ് യഥാര്‍ത്ഥ ദൈവം?

ആ ദൈവത്തെ നാം അറിയേണ്ടത് അവനിൽനിന്നുതന്നെയാണ്.

അവന്റെ വചനങ്ങളിലൂടെ.

സ്രഷ്ടാവായ യഥാർത്ഥ ദൈവം ആരാണ്‌ എന്ന്‌ ഈ വചനങ്ങളിൽ നിന്ന് നമുക്ക്‌ അറിയാൻ സാധിക്കും.
ഈ പ്രപഞ്ചത്തിനു പിന്നിലെ സകലത്തിന്റെയും ഉടമസ്ഥനും നിർമ്മാതാവാണവൻ.
അവനാണ്‌ യഥാർത്ഥ ദൈവം, അവനാണ്‌ അല്ലാഹു.

അല്ലാഹു, മുസ്‌ലീംകളുടെ ഒരു കുലദൈവമൊന്നുമല്ല.
മറിച്ച്‌ ദൃശ്യവും അദൃശ്യവുമായ പ്രപഞ്ചത്തേയും അതിലുള്ളവയേയും സൃഷ്ടിച്ച്‌ നിലനിൽപ്പ്‌ നൽകി പരിപാലിക്കുന്ന സർവ്വശക്തനും സർവ്വജ്ഞനുമായ ദൈവമാണ്‌ അല്ലാഹു.